النظافة من الايمان, يمكن هاي الجملة من أول الاشياء اللي تعلمناها بالمدرسة أو حتى قبلها, أو على الاقل سمعنا: “إغسل ايدك قبل الاكل, لا تلعب في أنفك, أو غطي ثمك لما تعطس و غيرها كثير, هاي الأشياء مع انه ممكن نستسخفها لكنها عن جد مفيدة و مهمة و دايما بتتغير مع تغير أسلوب حياتنا, في هذا المقال رح نحكي عن النظافة الوقائية و أهم العادات الصحية المتعلقة بالنظافة و اللي بنعملها كل يوم.
اسس النظافة الوقائية
النظافة الوقائية هدفها الأول و الاخير محاولة تقليل انتشار البكتيريا و مسسبات الأمراض بين الناس, لكن في ناس بتطلق العنان لخيالها و بتحاول تخترع أساليب جديدة للنظافة الشخصية و في الغالب هاي الأساليب ما إلها أساس من الصحة و بس بتكون مجرد استعراض, في هذا المقال رح نحكي عن ثلاث حالات لازم نتبع فيهم اساليب نظافة وقائية, أكيد في نواحي كثيرة لكنها ممكن تكون في مقالات ثانية لقدام.
وين ممكن الاقي أُسس النظافة الوقائية اللي بتناسبني؟
ولا مكان! اه, ولا مكان, فما تسخدم أي عادة أو معلومة جديدة بتسمعتها من الناس أو الانترنت أو التلفزيون بدون التأكد من صحتها لأنه ممكن هاي المعلومات تكون منقولة من مصادر غير موثوقة و مدروسة أو في بعض الحالات (و للاسف) بتكون هاي المعلومات مصدرها شركات للمنتجات النظافة الصحية و بتحاول استغلال اهتمام الناس بصحتها لتبيع أكثر من منتجاتها.
جانب ثاني و كثير مهم في هذا الموضوع هو انه العادات الصحية عادات شخصية, يعني في عدد كبير من الناس عنده نفس هاي العادات , لكن القرار النهائي برجع الك, انت بتقرر شو الأنسب لصحتك و أسلوب حياتك و بتطبقه, يعني ببساطة لا تنسخ عادات من أحد و كمان لا تعمل حالك خبير و تكبر المواضيع لانها بسيطة أصلا.
خلينا الان نتكلم عن ثلاث جوانب مهمة في حياتنا و نشوف أهم العادات الصحية الوقائية فيها
نظافة اليدين
تقريبا كل تواصلنا مع البيئة الحيطة فينا هي من خلال اليدين, لذلك فهم من أكثر الاعضاء في جسم الانسان تعرضا للجراثيم و مسببات الأمراض, خلينا نشوف أهم النصائح المتعلقة بنظافة اليدين في هذة الصورة
الإستحمام
في ناس بتحب تغني و هي بتتحمم, و في ناس ثانية ما بتحب تخطط لمستقبلها في الحياة ألا في الحمام, شو ما كنت بتعمل بالحمام بهذا الوقت, حاول اتبع هاي النصائح
الأكل
الأكل أهم اشي بحياتنا و ما بنقدر نستغني عنه, خلينا نشوف أهم إجراءات النظافة الوقائية المتعلقة بالأكل
معلومة إضافية
أنا فضلت أتكلم على هذه النقطة بشكل منفرد لأهميتها, كثير ما بنسمع عن الصابون المقاوم للبكتيريا و الجراثيم, و دايما بنشوف اعلاناته في كل مكان, و فعلا بعض الناس صار مستحيل يستخدم أي نوع صابون ثاني, لكن و بحسب هيئة الغداء و الدواء الامريكية و التي تعتبر من أهم الهيئات العالمية فإنه لا يوجد تحليلات أو نتائج علمية تثبت أن مثل هذا النوع من الصابون فعلا يمنع الإصابات و العدوات بشكل أكبر من الصابون العادي, لذلك خليك دايما واعي و ما تنجر ورا الحملات الدعائية بدون ما تعرف الدافع وراها.
هيك بنكون و صلنا لنهاية المقال لهذا الاسبوع, موضوع النظافة الوقائية كبير و متشعب و هذه بس أمثلة بسيطة من حياتنا اليومية, و الهدف من هذا المقال نشر بعض العادات الصحية بالإضافة الى دعوة القارئ انو يستفسر و يعرف أكثر عن عادات ممكن تكون صحية لكن هي مش هيك.
خلي أسلوب حياتك صحي, خليك ايجابي, خليك شاكر دائماً
للرجوع لصفحة المواضيع الصحية, اضغظ على الشعار تحت
المراجع:
https://www.nhs.uk/news/lifestyle-and-exercise/cold-water-just-as-good-as-hot-for-handwashing/https://www.mayoclinic.org/healthy-lifestyle/adult-health/in-depth/hand-washing/art-20046253?pg=1https://www.betterhealth.vic.gov.au/health/conditionsandtreatments/personal-hygienehttps://www.mayoclinic.org/healthy-lifestyle/adult-health/in-depth/skin-care/art-20048237?pg=2https://wwwnc.cdc.gov/travel/page/infographic-food-water-risky-saferhttps://www.nytimes.com/2017/04/24/fashion/how-to-wash-your-hair.htmlhttp://time.com/4259559/shower-soap-hygiene/https://www.fsis.usda.gov/wps/portal/fsis/topics/food-safety-education/get-answers/food-safety-fact-sheets/safe-food-handling/basics-for-handling-food-safely/ct_indexhttps://www.fda.gov/ForConsumers/ConsumerUpdates/ucm378393.htm
